Advertisements

Loading...

Anam Manam

GALLERY

English

Facebook

සියලුම මාධ්‍යවේදීන්ගේ වත්කම් බැරකම් ප්‍රකාශ ලබාගත යුතු බවට හිටපු ඇමැති, කොළඹ දිස්‌ත්‍රික්‌ පාර්ලිමේන්තු මන්ත්‍රී රවි කරුණානායක මහතා ඊයේ (08 දා) පාර්ලිමේන්තුවේදී කථානායකවරයාගෙන් ඉල්ලා සිටියේය.

"ඒක මට අයිති වැඩක්‌ නොවේ. එහෙම අයිතියක්‌ මට නෑ.." යෑයි කථානායක කරු ජයසූරිය මහතා රවි කරුණානායක මන්ත්‍රීවරයාට පිළිතුර දෙමින් කියා සිටියේය.

මෙහිදී නැගී සිටි අනුර කුමාර දිසානායක මහතා ප්‍රකාශ කළේ "සියලු මාධ්‍යවේදීන් නොවේ පත්තර කර්තෘවරු වත්කම් බැරකම් ප්‍රකාශ ලබාදිය යුතුයි කියා තමයි කියා තිබෙන්නේ. ඒ පුවත්පත් මණ්‌ඩලයට ද නැතිනම් කාටද කියා දන්නේ නෑ... කථානායකවරයාට නම් නොවේ යනුවෙනි.
"අපි බලමු... ජනමාධ්‍ය ඇමැති සමඟ මේ ගැන කතා කරලා" යෑයි කථානායකවරයා ප්‍රකාශ කරද්දී "අපි දේශපාලනයට ඇවිත් ඉන්නේ රටට යමක්‌ කරන්න මිස ලබාගන්න නොවේ යෑයි හිටපු ඇමැති රවි කරුණානායක මහතා ප්‍රකාශ කළේය. එම ප්‍රකාශයත් සමඟ ආණ්‌ඩු පක්‍ෂයේ මෙන්ම විපක්‍ෂයේ මන්ත්‍රීවරුන් කිහිපදෙනකු සිනාසෙන අයුරු දක්‌නට ලැබිණි.


ජනමාධ්‍යවේදීන්ගෙන් සැදුම් ලත් සංවිධාන පිළිගනිති


නිදහස් මාධ්‍ය ව්‍යාපාරය සහ ශ්‍රී ලංකා වෘත්තීය ජනමාධ්‍යවේදීන්ගේ සංගමය මේ බව ප්‍රකාශ කර සිටියේ සියලු මාධ්‍යකරුවන්ගේ වත්කම් බැරකම් හෙළිදරව් කළයුතු බවට රවී කරුණානායක හිටපු ඇමතිවරයා කළ ප්‍රකාශය පිළිබඳව කළ විමසීමකදී ය.

ශ්‍රී ලංකා වෘත්තීය ජනමාධ්‍යවේදීන්ගේ සංගමයේ සභාපති ලසන්ත රුහුණගේ කියා සිටියේ ජනමාධ්‍ය පිරිසිදු තත්වයක නොමැති නම් ජනතාවට නිවැරදි තොරතුරු ගලා නොයන බවය.

"අඩු වැඩි වශයෙන් ලංකාවේ හැම ක්ෂේත්‍රයක්ම දූෂණයට ලක්වෙලා තියෙන්නේ. ඒකෙන් මිදෙන්න බැරිවෙලා තියෙනවා මම නියෝජනය කරන ජනමාධ්‍ය ක්ෂේත්‍රයටත්. අපිට අහන්න ලැබෙනවා ඔවුන්ට තම ආයතනවලින් ලැබෙන වැටුපට වඩා වෙනත් ආකාරයට ධනය උපයාගෙන ජීවත්වන ආකාරය ගැන.

"ජනමාධ්‍ය පිරිසිදු තත්වයක නැතිනම් ජනතාවට නිවැරදි තොරතුරු ගලා යන්නේ නැහැ. ඒ නිසා ජනමාධ්‍යකරුවා සුපරීක්ෂාවට ලක් කෙරෙනවනම් ඒක වැරදියි කියන්න බැහැ. අපි අනිත් අයව ප්‍රශ්න කරනවානම් අපිවත් ප්‍රශ්න කිරීමේ හැකියාව තියෙන්න ඕන." යනුවෙන් ඔහු පැවසීය.


මාධ්‍යවලට කළු සල්ලි යොදවල !


මේ පිළිබඳව අදහස් දැක්වූ නිදහස් මාධ්‍ය ව්‍යාපාරයේ කැඳවුම්කරු සී දොඩාවත්ත කියා සිටියේ ජනමාධ්‍ය තුළත් තම වෘත්තිය අයථා ලෙස භාවිත කරන අය සිටින බැවින් මාධ්‍යකරුවාගේ වත්කම් ප්‍රකාශයට පත්කිරීම ප්‍රතිපත්තියක් හැටියට පිළිගන්නා බවය.

නමුත් මාධ්‍ය තුළ ඇතිවී තිබෙන අයහපත් තත්වයට ඇතැම් දේශපාලනඥයන් ප්‍රධාන වශයෙන් වගකිව යුතු බව ඔහු පවසයි.

"චෝදනා එල්ල කරන ඇතැම් දේශපාලනඥයෝ ජනමාධ්‍ය ආයතනවලට තමන්ගේ කළු සල්ලි යොදවල තියෙන ආකාරය හෙළිදරව් වෙමින් පවතිනවා. ඇත්තටම මාධ්‍ය තුළ ඇතිවෙලා තියෙන අයහපත් තත්වයට ප්‍රධාන වශයෙන් වගකියන්න ඕන ඔය වගේ දේශපාලනඥයෝ. තිරයෙන් පිටුපස ඉඳගෙන මේවා මෙහෙයවන අය තමයි ප්‍රධාන ප්‍රශ්නය වෙලා තියෙන්නේ.

නමුත් ජනමාධ්‍යවේදියා පිළිබඳව යම් විනිවිදභාවයක් අවශ්‍යයි කියන එක අපිට පිළිගන්න වෙනවා. ඒක ප්‍රතික්ෂේප කරමින් අපිට අනිත් ප්‍රශ්නය ගැන කතා කරන්න බැහැ." යනුවෙන් නිදහස් මාධ්‍ය ව්‍යාපාරයේ සී දොඩාවත්ත ප්‍රකාශ කළේය.

ඇතැම් ජනමාධ්‍ය ආයතන හිමිකරුවන් තමන්ට අවශ්‍ය න්‍යාය පත්‍රයට අනුව කටයුතු කිරීම සඳහා මාධ්‍යවේදීන් යොදවා ගන්නා බවට චෝදනා පවතිද්දී මාධ්‍යකරුවාගේ වත්කම් පිරික්සීම තුළින් අවශ්‍ය අරමුණ ඉටුවේදැයි ප්‍රශ්න කළවිට ශ්‍රී ලංකා වෘත්තීය ජනමාධ්‍යවේදීන්ගේ සංගමය කියා සිටියේ මාධ්‍යවේදීන් වෘත්තීය මට්ටමින් සංවිධානගත වන්නේ නම් එය සිදු නොවනු ඇති බවය.

"මාධ්‍යකරුවන් සංවිධානගත වුනොත් ආයතන හිමිකරුවන්ට බැහැ තමන්ගේ මතවාදය වෙනුවෙන් අපව මෙහෙයවන්න. ජනමාධ්‍යවේදියාගේ එක් අයිතිවාසිකමක් තමයි කර්තෘ මණ්ඩල නිදහස කියන එක.


"මේකෙ බරපතළම ප්‍රශ්නය තමයි ලංකාවේ ජනමාධ්‍යවේදියා කියන චරිතයට ලොකු සිවිල් බලයක් ලැබිල තියෙනවා. ඒ නිසාම ඇතැම් මාධ්‍යවේදීන් වෙන වෙන ව්‍යාපෘතිවල තමයි නිරත වෙලා තියෙන්න. සංවිධානගත වෙනවා වෙනුවට ඇතැමුන් බලනවා ඇතැම් දේශපාලනඥයන්ගෙන් හෝ ව්‍යාපාරිකයන්ගෙන් වරප්‍රසාද ලබාගැනීම සඳහා කල්ලි ගැහෙන්න." ශ්‍රී ලංකා වෘත්තීය ජනමාධ්‍යවේදීන්ගේ සංගමයේ සභාපති ලසන්ත රුහුණගේ පැවසීය.

(බීබීසී සිංහල සේවය ඇසුරිණි)

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip lanka , Sri Lanka gossip, Sri Lanka Sinhala gossip ______________________________________________________________
© 2016 Gossip99 Email : info@gossip99.com
Advertising - Contact Here Editor - editor@gossip99.com Contact Here Help Desk : info@gossip99.com
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Advertisements

Mini Gossip

Advertisements

Loading...

VIDEO PORTAL