Get all the latest news and hot gossip, gossip Lanka news, Sri Lanka exclusive news, Sri Lankan daily hot Sinhala and English gossip news and much more on gossip99.com

Advertisements

Loading...

Healthy Tips

KELIBIMA

FACEBOOK

වැලිකඩ බන්ධනාගාරයේ සිදු කළ ලැයිස්තුගත සමූහ ඝාතනය, රතුපස්වල නිරායුධ සිවිල් වැසියන්ට වෙඩි තබා ඝාතනය කිරීම සහ ප්‍රකට රගර් ක්‍රීඩක වසීම් තාජුඩීන් ඝාතනය යන සිදුවීම්වලට අදාළ පරීක්ෂණ ආරක්ෂක අංශවල කඹ ඇදීම් නිසා අකර්මන්‍ය වීමේ සහ වෙනත් දිශාවකට ගමන් කිරීමේ අවදානමක් මතු වී තිබේ. වැලිකඩ බන්ධනාගාරයේ ලැයිස්තුගත සමූහ ඝාතනය 2012 නොවැම්බර් 09 සහ 10 දෙදින සිදු වූ අතර, එහිදී රැඳවියන් 27 දෙනකු ඝාතනය කෙරිණි. ඊට අදාළ ව කොමිෂන් සභා වාර්තා දෙකක් නිකුත් වී ඇති අතර, නීතීඥ එස්.කේ.ලියනගේ ඇතුළු පිරිස සකස් කළ ජනාධිපති කොමිෂන් සභා වාර්තාව මඟින් මීට අදාළ වැදගත් තොරතුරු රැසක් අනාවරණය කර තිබේ. මෙතෙක් මේ වාර්තාවට අදාළ ව කිසිදු නීතිමය පියවරක් ගෙන නැති අතර, අපරාධ පරීක්ෂණ දෙපාර්තමේන්තුව මඟින් සිදු කරන පරීක්ෂණ අකර්මන්‍ය කිරීමේ උත්සාහයක් ද ක්‍රියාත්මක වන බව හෙළි වේ. අදාළ සිද්ධියේ දී භාවිතා කළ ගිනි අවි සම්බන්ධයෙන් යුද හමුදාවෙන් වාර්තාවක් ඉල්ලා ඇතත්, මෙතෙක් එය ලබා දී නැති බව ද අනාවරණය වේ. එසේ ම ඝාතනයට ලක් වූ රැඳවියන්ගේ මරණ පරීක්ෂණවලට අදාළ වාර්තා ද මෙතෙක් අපරාධ පරීක්ෂණ දෙපාර්තමේන්තුවට ලබා දීමට අදාළ අංශ කටයුතු කර නැති බව විශ්වාස කටයුතු ආරංචි මාර්ගවලින් අනාවරණය වේ. 
මේ සිද්ධියට අදාළ මූලික විමර්ශනයේ දී අපරාධ ස්ථාන පරීක්ෂණ නිලධාරීන් හෙවත් සෝකෝ නිලධාරීන් විසින් රැඳවියන්ගේ මළ සිරුරු අසල තිබී ටී56 වර්ගයේ ගිනි අවි 04 ක්, බන්ධනාගාර පරිශ්‍රය තුළ තිබී ටී 56 හිස් පතොරම් කොපු 647 ක්, ටී 56 ජීව උණ්ඩ 27 ක්, මි.මී. 09 වර්ගයේ හිස් පතොරම් කොපු 91 ක්, එම් 16 වර්ගයේ හිස් පතොරම් කොපු 14 ක්, මි.මී. 09 වර්ගයේ ජීව උණ්ඩ 01 ක් සොයාගෙන තිබිණි. 

මේ අතර 2013 අගෝස්තු 01 වැනි දා සිදු වූ රතුපස්වල වෙඩි තැබීමේ සිද්ධියට භාවිතා කළ බවට රස පරීක්ෂකවරයා වෙත යුද හමුදාවෙන් යවන ලද ගිනි අවි 40 ක් එහිදී භාවිත කර නැති බව රස පරීක්ෂකවරයා විසින් අනාවරණය කරගෙන තිබේ. එමඟින් යුද හමුදාව අධිකරණය නොමඟ යැවීමට උත්සාහ කර ඇති බවත්, ඊට එරෙහිව කටයුතු කළ හැකි බවත් නීතීඥයෝ පවසති. මේ සම්බන්ධයෙන් බ්‍රිගේඩියර් දේශප්‍රිය ගුණවර්ධන ඇතුළු සිව් දෙනකු අත්අඩංගුවට ගෙන තිබිණි. 

ප්‍රකට රගර් ක්‍රීඩක වසීම් තාජුඩීන් ඝාතන සිද්ධියෙන් පසු ඔහුගේ අස්ථි කොටස් අතුරුදන් කළ බවට චෝදනා එල්ල වී ඇති එවකට අධිකරණ වෛද්‍ය නිලධාරි ආනන්ද සමරසේකර මෙතෙක් අත්අඩංගුවට නොගැනීම සම්බන්ධයෙන් ද නීති ක්ෂේත්‍රයේ බරපතළ කතාබහක් ඇති වී තිබේ. අදාළ පරීක්ෂණ සිදු කිරීමේ වගකීම තිබූ අධිකරණ වෛද්‍ය නිලධාරිවරයා මෙසේ අස්ථි කොටස් අතුරුදන් කිරීමත්, ඊට අදාළ ව ඔහු ලබා දී ඇති වාර්තාව අසත්‍ය වාර්තාවක් බව හෙළිවෙමින් පැවතීමත් මත ඔහු ව අත්අඩංගුවට ගැනීමට කිසිදු බාධාවක් නැති බව ද පෙන්වා දෙන නීති අංශ, ඔහුට කිසියම් ආවරණයක් ලැබෙන බවට සැක මතු වන බව ද අවධාරණය කරයි.

ලබන 28 වැනි දා වසීම් තාජුඩීන් ඝාතන සිද්ධියට අදාළ නඩුව යළිත් කැඳවීමට නියමිත ය. මේ සිදුවීම් පිළිබඳ පරීක්ෂණ ඉදිරියට යමින් තිබිය දී, ආරක්ෂක අංශ සහ රජයේ ඇතැම් කණ්ඩායම් මෙසේ එම පරීක්ෂණ නොමග යැවීමට කටයුතු කිරීම බරපතළ කරුණක් බවත්, මේ තත්ත්වය වෙනස් කිරීමට ආණ්ඩුවේ ප්‍රධානීන් වහාම මැදිහත් විය යුතු බවත් ඉහත කී නීති අංශ වැඩිදුරටත් අවධාරණය කර සිටී.

- ශාලික විමලසේන

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip Lanka, col3neg ______________________________________________________________
© 2016 Gossip99 Email : info@gossip99.com
Advertising - Contact Here Editor - Contact Here
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Paid Ads

Ananmanan

GOSSIP99

BOOK MARK

VIDEO PORTAL