එහි හඬපට 19ක් අඩංගුව ඇති අතර එය පහතින් පල වේ.
බැඳුම්කර ගණුදෙනුව සිදුවූ 2015 වර්ෂයේ පෙබරවාරි 27වනදා පර්පචුවෙල් ට්‍රෙෂරීස් සමාගමේ ප්‍රධාන විධායක නිලධාරී කසුන් පලිසේන මහතා විසින් රාජ්‍ය බැංකු සමග අදාළ බැඳුම්කර ගණුදෙනුව සම්බන්ධයෙන් කළ සංවාදයක හඬපටයක්ද ඊට ඇතුළත් ය.
එසේම මහ බැංකුවේ රාජ්‍ය ණය දෙපාර්තමේන්තුවේ නිලධාරීන් සහ කොටස් වෙළඳපොලෙහි නිලධාරීන් මෙරට පොලී අනුපාතය ඉහළ යාම සම්බන්ධයෙන් සාකච්ඡා කරන හඬ පට කිහිපයක්ද මෙහි ඇතුළත්ය.
මෙම මාධ්‍ය හමුවට දූෂණ විරෝධී හඬ සංවිධානයේ කැඳවුම්කරු වසන්ත සමරසිංහ මහතා එක්ව සිටි අතර එහිදී අදහස් දක්වමින් ඔහු කියා සිටියේ ප්‍රශ්න ගත බැඳුම්කර සිද්ධියට සම්බන්ධ චූදිතයන්ට කඩිනමින් දඬුවම් දීමට ආණ්ඩුව කටයුතු කළ යුතු බවයි.
