Get all the latest news and hot gossip, gossip Lanka news, Sri Lanka exclusive news, Sri Lankan daily hot Sinhala and English gossip news and much more on gossip99.com

Healthy Tips

Advertisements

Loading...

KELIBIMA

CONTACT EDITOR

FACEBOOK

Loading...

පොලිස් සේවයට ඇතුළුවී දූෂිතව කටයුතු කරන දුෂ්චරිතවත් පොලිස් ස්ථානාධිපතිවරුන් අතරින් සියයට පනහක් ශුද්ධ කර ඇති අතර ඉතිරි සියයට පනහ මේ වන විටත් ශුද්ධ කරමින් සිටින බව පොලිස්පති පූජිත් ජයසුන්දර මහතා පවසයි.

විවිධ දේශපාලන හිතවත්කම් සමඟ පස්සා දොරෙන් පොලිසියට පැමිණි එම පොලිස් නිලධාරීන් කවුද යන්න හඳුනාගෙන ඇති බවද පොලිස්පතිවරයා හෙළිදරව් කළේය.

පොලිස් ස්ථානාධිපතිවරුන්ට අමතරව පොලිස් කොට්ඨාසභාර ජ්‍යෙෂ්ඨ පොලිස් නිලධාරීන් ද මේ ආකාරයෙන්ම ශුද්ධ කරගෙන යන බව පවසන පොලිස්පතිවරයා පොලිස් කොට්ඨාස 42ක් අතරින් 38ක්ම මේ වනවිට ශුද්ධකර අවසන් බවද පැවැසීය.

‘පිස්සු නටන තවත් සහකාර පොලිස් අධිකාරිවරුන් ගණනාවක් සිටිනවා. ඔවුන් ගැනත් තමා බලාගෙන යන බවද පොලිස්පතිවරයා ශ්‍රී ලංකා පොලිසියේ කටයුතු කරන දුෂිත නිලධාරීන් සම්බන්ධව මේ වන විට කරගෙන යන වැඩපිළිවෙළ ගැන සඳහන් කරමින් පැවැසීය.

වර්තමාන පොලීසියේ කිසිම දේශපාලන ඇඟිලි ගැසීමකට ඉඩ නොමැති බව පවසන පොලිස්පතිවරයා සුදුසුකම් නොමැතිව පස්සා දොරෙන් පොලිස් සේවයට පැමිණ විවිධ පුද්ගලයන්ගේ අපරාධ, දූෂණ වංචාවලට සහය වෙමින් දුෂ්චරිතවත්ව කටයුතු කරන කිසිම පොලිස් නිලධාරියකුට තමා අනුකම්පා නොකරන බවත් මේ වන විට එවැනි දේවල්වලට සම්බන්ධ වූ පොලිස් නිලධාරීන් සම්බන්ධයෙන් ක්‍රියාමාර්ග ගනිමින් සිටියි.

එහිදී වැරදිකර ඇති පොලිස් නිලධාරීන් සම්බන්ධව පොලිස්පතිවරයා විසින් නීතිය තදින්ම ක්‍රියාත්මක කරන අතර පොලිස් පරීක්ෂකවරයාගේ සිට ඉහළ නිලධාරීන් යම් ආකාරයකින් දුෂිතව කටයුතු කරයි නම් ජාතික පොලිස් කොමිසම, නීතිය සාමය සහ දක්ෂිණ සංවර්ධන අමාත්‍යවරයා හරහා ඔවුන් සම්බන්ධව නීතිය දැඩිව ක්‍රියාත්මක කිරීමට පියවර ගෙන ඇති බවද පොලිස්පතිවරයා පවසයි.

පොලිස් ස්ථානාධිපතිවරුන්ට උසස්වීම් ලබාදීම සඳහා ක්‍රමවේදයක් ක්‍රියාත්මක කර තිබේ. එහිදි අඩුම ලකුණු ලබා ගන්නා පොලිස් නිලධාරීන් කෙරෙහි දැඩි අවධානයකින් කටයුතු කෙරේ.

ඇතැම් දූෂිත පොලිස් නිලධාරීන්ගේ ක්‍රියාකාරිත්වය නිසා පොලිස් සේවය පසුගිය කාලය තුළ දැඩි පිරිහීමකට පත්ව ඇති බව පෙන්වා‍ දුන් පොලිස්පතිවරයා ඇතුළු පොලිස් නිලධාරීන් සහ සාමාන්‍ය ජනතාව අතර කිසිදු වෙනසක් නොමැති තරමට පොලිසිය පිරිහී ඇති බවද පෙන්වා දුන්නේය.

මේ නිසා පොලිසිය තුළ දුෂණ වංචා, යට ගැසීම්, අසාධාරණකම් සහ පක්ෂග්‍රාහිවීම කටයුතු කරන නිලධාරීන් සොයා ඔවුන් සම්බන්ධව කිසිම අනුකම්පාවක් නොදක්වා කටයුතු කිරීමටද පොලිස්පතිවරයා පියවර ගෙන තිබේ.

පොලිස්පතිවරයා මේ තොරතුරු හෙළිදරව් කළේ ඊයේ කොළඹ අපරාධ වාර්තා කොට්ඨාසයේ ප්‍රජා පොලිස් සම්බන්ධිකරණ නිලධාරි පත්වීම් ලබාදුන් අවස්ථාවේදීය.

2005 වසරේදී සංවර්ධන සහකාර නිලධාරීන් ලෙස උපාධිධාරීන් විශාල පිරිසක් පොලිස් සේවයට බඳවාගෙන ඔවුන්ට කිසිදු ස්ථීර රාජකාරියක් හෝ වෙනත් වරප්‍රසාදයක් නොමැතිව වසර 12ක් තිස්සේ පොලිස් ස්ථානවලට වී කාලය ගත කරමින් සිට ඇත.

මෙම උපාධිධාරීන් සහ පොලිසියේ දැනට සිටින උපාධි ලැබු පොලිස් නිලධාරීන්ද එකතු කර ප්‍රජා සම්බන්ධීකරණ නිලධාරීන් ලෙස ඊයේ 174 දෙනකුට පත්වීම ලබාදීම සිදුවිය.

රටතුළ පවතින විවිධ අපරාධ, ස්ත්‍රී දූෂණ, ළමා අපචාර, මත්ද්‍රව්‍ය , මත්පැන් භාවිතය ඇතුලු බරපතල අපරාධ ග්‍රාමිය මට්ටමේ සිට වළක්වා ගෙන මහජනතාවත්, ජාතික ආරක්ෂාවත් පවත්වාගෙන යාමේ අරමුණ ඇතිව නීතිය සාමය සහ දක්ෂිණ සංවර්ධන අමාත්‍යාංශයේ සහයෝගය ඇතිව පොලිස්පති පූජිත් ජයසුන්දර මහතා විසින් ප්‍රජා සම්බධීකරණ නිලධාරී වැඩ පිළිවෙළ ආරම්භ කර තිබේ.

ග්‍රාමීය මට්ටමේ සිට ගමේ බුද්ධි තොරතුරු එක්රැස්කර ගනිමින් ඒ හරහා අපරාධ මැඬලීමට පියවර ගැනීම සඳහා එම ප්‍රජා පොලිස් නිලධාරීන් ග්‍රාමසේවා වසම් දාහතර දහස් විසි දෙකක් තුළ ක්‍රියාත්මක කෙරේ.

එම ජාතික වැඩපිළිවෙළ හා අපරාධයක අපරාධ මූලයන් සොයා කටයුතු කිරීම තුළින් රටේ අපරාධ නිවාරණය කිරීමේ වැඩපිළිබඳ ක්‍රියාවට නැංවෙන බව පොලිස්පතිවරයා පෙන්වා දෙයි.

මහජනතාවත් පොලීසි‍යත් අතර ඇතිවන ගැටුම් වැළැක්වීම, අපරාධ වැළැක්වීම ප්‍රායෝගිකව සිදුකිරීම සඳහා ප්‍රජා පොලිස් කමිටු වෙත ඊයේ සිට විශාල වගකීමක් පවරා තිබේ.

පොලිස් සේවයට අලුතින්ම එකතු වූ ප්‍රජා පොලිස් සම්බන්ධීකරණ නිලධාරීන්ගේ කැපවීම් විශාල වශයෙන් බලාපොරොත්තු වන පොලිස්පතිවරයා ඔවුන් වෙනුවෙන් ඉදිරියේදී උසස්වීම් , ශිෂ්‍යත්ව, විදෙස් පුහුණු ඇතුලු විවිධ වූ වරප්‍රසාද රැසක් ලබාදීමටද පියවර ගෙන තිබේ.

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip Lanka, col3neg ______________________________________________________________
© 2016 Gossip99 Email : info@gossip99.com
Advertising - Contact Here Editor - Contact Here
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Paid Ads

Ananmanan

GOSSIP99

BOOK MARK

VIDEO PORTAL