නව ව්‍යවස්ථාවක් සදහා පත්කළ ව්‍යවස්ථා සම්පාදන මණ්ඩලය සහ එම මණ්ඩලයේ අතුරු වාර්තාව පාර්ලිමේන්තුවේදී සාකච්ඡාවට ගැනීම ආණ්ඩුක්රම ව්‍යවස්ථාවට පටහැනි නීති විරෝධි ක්‍රියාවක් බව නීති විශාරදයකු වූ ජනාධිපති නීතීඥ හිටපු අධිකරණ අමාත්‍ය ආචාර්ය විජේදාස රාපක්ෂ මහතා පවසයි.
අලුත් ව්‍යවස්ථාවක් සම්පාදනය කිරිම වෙනුවෙන් ආණ්ඩුක්රම ව්‍යවස්ථා සම්පාදක මණ්ඩලයක් පත්කිරිමට 1978 ආණ්ඩුක්රම ව්‍යවස්ථාව අනුව කිසිම බලයක් පාර්ලිමේන්තුව වෙත ලබා දි නොමැති බවත් ඒ අනුව පසුගිය සැප්තැම්බර් 21 වෙනිදා පාර්ලිමේන්තුව වෙත අගමැතිවරයා විසින් ඉදිරිපත් කල මෙහෙයුම් කමිටුව විසින් සකස් කල අතුරු වාර්තාව බල ශූන්‍ය ලියවිල්ලක් බවත් හෙතෙම කියා සිටී.
ආණ්ඩුක්රම ව්‍යවස්ථාවට අනුව පවතින ව්‍යවස්ථාව සංශෝධනය කිරිමට අවශ්‍ය නම් එය පාර්ලිමේන්තුවේ ස්ථාවර නියෝගවලට අනුව පමණක් කල හැකි බවට මාධ්‍ය වෙත නිවේදනයක් නිකුත් කරමින් කියා සිටි. ආණ්ඩුක්රම ව්‍යවස්තා සම්පාදක මණ්ඩලය ව්‍යවස්තා විරෝදී මෙන්ම මුල සිටම බල ශුන්‍ය ක‍්‍රියාවලියක් බවත් නිවේදනයේ සදහන් වේ.
