නව මැතිවරණ ක්‍රමය යටතේ ඉදිරියේ දී පැවැත්වීමට නියමිත පළාත් පාලන ඡන්දය සඳහාවන ගැසට්‌ පත්‍රයට පළාත් සභා හා පළාත් පාලන ඇමැති ෆයිසර් මුස්‌තාපා විසින් අද (01) අත්සන් තැබීමට නියමිතයි.
ඒ අනුව අදාළ ගැසට්‌ පත්‍රයට අද පෙරවරුවේ අමාත්‍යාංශයේ දී ඇමැතිවරයා විසින් අත්සන් කරන බව එම අමාත්‍යාංශය සඳහන් කරයි.
ඇමැතිවරයා සිය අත්සන තැබීමෙන් අනතුරු ව ගැසට්‌ පත්‍රය මුද්‍රණය කිරීම සඳහා රජයේ මුද්‍රණාලය වෙත යොමු කරන බව ද පසුව ඉදිරි කටයුතු සඳහා මැතිවරණ කොමිසමට භාරදීමට නියමිත බව ද අමාත්‍යාංශයේ ප්‍රකාශකයෙක්‌ සඳහන් කළේ ය.
