මේ පිළිබඳ විශේෂ චක්‍රලේඛනයක් සියළුම ඩිපෝ අධිකාරිවරුන්ට යවා ඇති අතර මෙ වාර ප්‍රවේශපත්‍රවලින් ගමන් පහසුකම් ලබාදිමට මැලි වන ඕනෑම කොන්දොස්තරවරයකුට විරුද්ධව විනයානු කූලව ක්‍රියා කරන බවද සභාපතිවරයා කීය.
ලංගම සාමාන්‍යයෙන් දෛනිකව ධාවනයට යොදවන්නේ බස් රථ 5700 ක් පමණි
දුම්රිය වර්ජනය හේතුවෙන් මහජනතාවට මුහුණදිමට සිදුවී තිබෙන ගමනා ගමන අපහසුතාවය නැති කිරීම සඳහා ශ්‍රී ලංකා ගමන ගමන මණ්ඩලය ප්‍රවාහන පහසුකම් සැපයීමේ දීපව්‍යාප්ත පුළුල් වැඩපිළිවෙළක් අරඹා තිබු අතර ඒ යටතේ මෙම බස් සේවා අරඹනු ලැබිය.
මේ අතරඅද ( 12 ) පැවැත්වෙන අ.පො.ස සාමාන්‍යපෙළ විභාගයට පෙනි සිටින සිසුන්ට තම දුම්රිය වාරප්‍රවේශ පත්‍රය පෙන්වා පුද්ගලික බස් රථවලි න් ගමන් කළ හැකි බව ජාතික ගමනා ගමන කොමිසම මගින් සියලුම පුද්ගලික බස්රථ ධාවකයින්ට දන්වා තිබේ. අද දහවල් 12 ට පෙර සේවා කටයුතුවලට වාර්තා කරන ලෙසඇමැතිවරයා වර්ජනයේ යෙදි සිටින සියලුම වෘත්තිය සමිති වලට දන්වා තිබිණි.
