Get all the latest news and hot gossip, gossip Lanka news, Sri Lanka exclusive news, Sri Lankan daily hot Sinhala and English gossip news and much more on gossip99.com

Advertisements

Loading...

Healthy Tips

KELIBIMA

FACEBOOK

පළාත් පාලන මැතිවරණයේ ප්‍රතිඵලය අනුව ජනතාව විසින් ලබා දී ඇති පණිවිඩය එක් එක් පාර්ශව විග්‍රහ කරන්නේ එක් එක් ආකාරයට ය. ඒ අතරින් සමහරුන්ගේ මතය වී ඇත්තේ ඡන්ද ප්‍රතිඵලය අනුව අග්‍රාමාත්‍ය රනිල් වික්‍රමසිංහ සිය තනතුරින් ඉවත් විය යුතුය යන්න ය. ඒ මතය දරන්නන්ගේ ප්‍රබලතම ප්‍රකාශකයා වී ඇත්තේ සිරස මාධ්‍ය ජාලයයි. ඡන්ද ප්‍රතිඵලයෙන් අනතුරුව දිගින් දිගටම දකින්නට ලැබුණේ සිරස රනිල් වික්‍රමසිංහට දිගින් දිගට ම පහර දෙන ආකාරයයි. නැතහොත් සිරස රනිල්ගේ පතුරු අරින ආකාරයයි.

එහෙත් සිරසේ ක්‍රියාදාමය හරහා රනිල් එළවීමට හැකි වනු ඇතිද ?

පසුගිය දිනෙක සිරස නරඹන්නන්ට දැක ගත හැකි වූයේ රනිල් වික්‍රමසිංහ අරලියගහ මන්දිරය හැර යන ආකාරය සජීවීව පෙන්වීම සඳහා සිරස වළිකන ආකාරයකි. සිරස අරලියගහ මන්දිරය වටා කැමරා මානාගෙන බලා සිටියේ රනිල් වික්‍රමසිංහ අග්‍රාමාත්‍යවරයා බඩුමුට්ටු පොදි බැඳගෙන මෛත්‍රී වික්‍රමසිංහ මැතිනියත් පෙරටු කරගෙන අරලියගහ මන්දිරයෙන් නික්මෙන ආකාරය ප්‍රචාරය කරන්නටය. එහෙත් සිරසේ බලාපොරොත්තුව ඉටු වුණේ නැත.

රනිල් වික්‍රමසිංහ යනු පහර පිට පහර වැදුණ ද වැටෙන පුද්ගලයකු නොවේ. ඉතිහාසයේ ඔහු මීට වඩා පහර කෑමට ලක් වූ අවස්ථා තිබේ. මෙවර ද මැතිවරණයට පෙර සිට ම ජනාධිපතිවරයා පවා ඔහු ඉලක්ක කරගෙන ප්‍රහාර එල්ල කළ නමුදු ඔහු ඊට පිළිතුරු දෙන්නට ගියේ නැත.

"මම හොඳට තෙම්පරාදු වෙච්චි මිනිහෙක්" යැයි ප්‍රකාශ කළේ හිටපු ජනාධිපති රණසිංහ ප්‍රේමදාස ය. ඒ, ඔහුට එරෙහිව දෝශාභියෝගය එල්ල වූ අවස්ථාවේදීය. ප්‍රේමදාස තෙම්පරාදු වූ මිනිසෙක් නම් රනිල් යනු ඊටත් වඩා තෙම්පරාදු වූ මිනිසෙකි. ප්‍රේමදාස 25%ක් තෙම්පරාදු වී ඇත්නම් රනිල් 75%ක් මේ දේශපාලනයෙන් තෙම්පරාදු වී සිටී.

ලංකාවේ ජන මානසිකත්වය හැසිරෙන ආකාරය හොඳින් ම අවබෝධ කරගත් පුද්ගලයන් දෙදෙනෙක් අපට හමුවෙයි. ඉන් පළමුවැන්නා වේලුපිල්ලේ ප්‍රභාකරන් ය. අවසානය කෙසේවුව ද තනි පුද්ගලයකුගේ සිට ලෝකයම හෙල්ලූ සංවිධානයක් ගොඩ නැඟීම දක්වා ඔහුට ව්‍යාප්ත වීමට හැකි වුණේ ඔහු ලාංකේය ජන මානසිකත්වය හැසිරෙන ආකාරය මනාව අවබෝධ කරගත් නිසාය. දෙවැන්නා රනිල් වික්‍රමසිංහ ය. මෙතරම් පරාජයන් හමුවේත් නොසැළී හිඳින්නට, ඉදිරියට යන්නට ඔහුට හැකියාව ලැබී ඇත්තේ ඔහු ජන මානසිකත්වය හැසිරෙන ආකාරය හඳුනාගෙන සිටින නිසාය. ඔහු දැන් කරන්නේ කාලයට ඉඩ දීමය.

මේ මොහොත යනු ලංකාවේ සිංහල බෞද්ධ බලවේගය ඉහළින් ම ක්‍රියාකාරී වී ඇති මොහොතකි. රනිල් වික්‍රමසිංහ මුහුණ දී සිටින්නේ එයට ය. ඉදිරි වසර දෙකක කාලය තුළ ඔහු අසාර්ථක වන්නටත් පුළුවන. එහෙත් දැන් නොවේ.

එවන් වටපිටාවක රනිල්ට උදව්වට පැමිණ සිටින්නේ ඔහුගේ පාසැලේ ම ඉගෙන ගත් කිලී මහාරාජා ය. කිලී මහාරාජා ප්‍රමුඛ සිරස සිතා සිටින්නේ තමන් රනිල් වික්‍රමසිංහව එළවන්නට තැත් කරන බවය. එහෙත් මේ හරහා වන්නේ රනිල් වික්‍රමසිංහ තව තවත් ස්ථාවර වීමය. සිරස සිය ක්‍රියාවෙන් රටට කියාපාමින් සිටින්නේ රනිල් වික්‍රමසිංහ යනු රටට කොතරම් බලපෑමක් කළ හැකි තීරණාත්මක චරිතයක් ද යන්න ය. සිරස වැනි විශාල මාධ්‍ය ජාලයක න්‍යායපත්‍රයට මෙතරම් බලපෑමක් කරන්නට තරම් සිය නායකයා කොතරම් ප්‍රබල චරිතයක් ද යන්න පිළිබඳව ය. රනිල් වික්‍රමසිංහ මහතාගේ දේශපාලන භාවිතාව පිළිබඳ සියුම් නිරීක්ෂණයක් නොමැති සාමාන්‍ය ප්‍රේක්ෂකයාට පවා මේ නිසා රනිල් වික්‍රමසිංහගේ දැවැන්තභාවය පර්වතයක් සේ පෙනෙන්නට පටන් ගනියි. සිරස විසින් පැහැදිලි ලෙසම, ලාංකීය දේශපාලනයේ මහ පොදු සාධකය බවට රනිල් වික්‍රමසිංහ මහතා ව නැවතත් ඔසවා තබා තිබේ.

මේ නිසා සිරසේ දැඩි පහර දීම හමුවේ තමන් විසින් සිය නායකයා රැකගත යුතු යැයි එක්සත් ජාතික පාක්ෂිකයාට වඩ වඩාත් දැනෙමින් තිබේ. මේ අතර නායකත්වයේ වෙනසක් ගැන සිතන එක්සත් ජාතික පාක්ෂිකයාට පවා දැඩි ලෙසම සිතෙන්නේ සිරසේ නාඩගම ඉදිරියේ සිතෙන්නේ සිරසට වුවමනා ආකාරයට තමන්ගේ පක්ෂය තීන්දු නොගත යුතු බවය. එපමණක් නොව සිරසට දිවා රෑ නැතිව සජීව විකාශ කරන්නට තරම් බලපෑම් සහගත වාතාවරණයක් සිය නායකයා වන රනිල් වික්‍රමසිංහ මහතා විසින් ඇති කර තිබෙන බව ය. එහෙයින් සිරසේ නැටුමෙන් අවසානයේ ලැබෙන්නේ රනිල් වික්‍රමසිංහට උදව්වකි.

එනිසා මේ මොහොත් අප කළ යුතු වන්නේ සිරසේ අවලස්සන මාධ්‍ය සම්ප්‍රදායට බැණ වැදීම හෝ ඔවුන්ගේ නොඉවසිලිමත් අසංවරකමට දොස් කීම නොව, රනිල් වික්‍රමසිංහ මහතාගේ දෑත ශක්තිමත් කිරීම වෙනුවෙන් ඔවුන්ට ස්තූතිවන්ත වීම ය!

දේශපාලනය කියවීමේදී ඇහැට පෙනෙන දේ පමණක් නොව එහි විරුද්ධාභාසය (paradox) ද කියවීමට හුරු විය යුතුය.

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip Lanka, col3neg ______________________________________________________________
© 2016 Gossip99 Email : info@gossip99.com
Advertising - Contact Here Editor - Contact Here
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Paid Ads

Anam Manam

Advertisements

Loading...

GOSSIP99

VIDEO PORTAL

BOOK MARK