අගමැති රනිල් වික්‍රමසිංහ මහතා එම ධුරයෙන් ඉවත් වී වෙනත් අයකු අගමැති ධුරයට පත් කර ආණ්‌ඩුව කර ගෙන යන ලෙස ජනාධිපති මෛත්‍රිපාල සිරිසේන මහතා පෙරේදා (12 දා) අගමැතිවරයාගෙන් ඉල්ලීමක්‌ කර තිබේ.
ජනාධිපති නිල නිවසේදී පෙරේදා රාත්‍රී අගමැතිවරයා සහ ජනාධිපතිවරයා අතර පැවැති හමුවේදී ජනාධිපතිවරයා එම ඉල්ලීම කර ඇති බව රජයේ ආරංචිමාර්ග දිවයිනට ඊයේ ප්‍රකාශ කළේය.
අගමැති ධුරය සහ කැබිනට්‌ මණ්‌ඩලයේ සංශෝධනයක්‌ සිදු කළ යුතු බවත් එසේ නොවන්නේ නම් ශ්‍රීලනිප පාර්ශ්වය ආණ්‌ඩුවේ රැඳී සිටින්නේ නැති බවත් ජනාධිපතිවරයා අගමැතිවරයාට පවසා තිබේ.
එක්‌සත් ජාතික පක්‍ෂ කැබිනට්‌ ඇමැතිවරුන්, රාජ්‍ය ඇමැතිවරුන් සහ නියෝජ්‍ය ඇමැතිවරුන් පෙරේදා වෙන වෙනම අරලියගහ මන්දිරයේදී හමුවී සාකච්ඡා කිරීමෙන් පසුව අගමැතිවරයා ජනාධිපතිවරයා සමඟ මෙම සාකච්ඡාවට සහභාගි වී ඇත.
ආණ්‌ඩුක්‍රම ව්‍යවස්‌ථාවේ 46 වගන්තියට අනුව අගමැතිවරයා එම ධුරයෙන් ඉවත් කිරීමට ජනාධිපතිවරයාට බලයක්‌ නැත.
කුෂාන් සුබසිංහ - දිවයින
කුෂාන් සුබසිංහ - දිවයින
