සෙවණගල සීනි කර්මාන්ත ශාලාව යළි කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා යටතට පත් කරන ලෙස එහි සේවකයෝ රජයෙන් ඉල්ලීමක් කරති.
ඉකුත් 2015 වසරේදී පාඩු ලබමින් පැවැති කර්මාන්ත ශාලාව රිෂාඩ් බදියුදීන් ඇමැතිවරයා යටතට පත් කිරීමෙන් අනතුරුව යළි ලාභ ලබන තත්ත්වයට නඟා සිටුවීමට හැකියාව ලැබුණ බව සෙවණගල සීනි කර්මාන්ත ශාලාවේ ප්‍රගතිශීලී සේවක සංගමයේ සභාපති ලලිත් ශ්‍රීපාල් මහතා මාධ්‍යයට අදහස් දක්වමින් පැවැසීය.
ඒ අනුව ඉකුත් කාලය තුළ මෙම කර්මාන්තශාලාව රුපියල් මිලියන 691ක් පමණ ලාභයක් ලැබූ බවද ඒ මහතා පෙන්වා දුන්නේය.
සෙවණගල සමාගම සතුව ඉකුත් 2015 දී තිබූ රුපියල් මිලියන 732 මුදලකට වුණ දෙයක් කිසිවකු නොදන්නා බවත්, එකල රුපියල් 87 ට තිබූ සීනි තොග මිල රුපියල් 62.50ට දීමෙන් සමාගම පාඩු ලැබූ බවත්, ලලිත් ශ්‍රීපාල් මහතා පෙන්වා දුන්නේය.
ගයාත්‍රි ගීගනආරච්චි
