Sunday, November 05, 2017
Home
Gossip Lanka News
අධ්යාපනය නංවන වැඩපිළිවෙළට රජයේ ආධාර ලබන පාසල් ද එක්කර ගන්නවා - අගමැති
අධ්යාපනය නංවන වැඩපිළිවෙළට රජයේ ආධාර ලබන පාසල් ද එක්කර ගන්නවා - අගමැති
-
Sunday, November 05, 2017
රජයේ පාසල් සහ ආධාර යටතේ පාලනය වන පාසල් යන දෙඅංශයම, රටේ පාසල් අධ්යාපන ක්ෂේත්රය දියුණු කිරීමේ වැඩපිළිවෙළට එක්කර ගැනීමට බලාපොරොත්තු වන බව අගමැති රනිල් වික්රමසිංහ මහතා පැවසීය.
දැනට ආධාර ලබාදෙන පාසල්වල ආධාර තවත් වැඩිකිරීමට තීරණය කර ඇති බවත් අග්රාමාත්යවරයා පැවසීය. අගමැතිතුමා එසේ කියා සිටියේ ඊයේ (03) පෙරවරුවේදී මරදාන ශාන්ත ජෝශප් විද්යාලයේ පැවති ක
තෝලික ගුරු දින සැමරුම් උත්සවයට සහභාගි වෙමිනි.
එහිදී අගමැතිවරයා මෙසේ ද පැවසීය.
කතෝලික සභාව සහ එහි ගුරුවරුන් එදා කළ සේවය අප අගය කළ යුතුයි. ඒ පසුබිම හරහා ආරම්භ වූ අධ්යාපන ක්ෂේත්ර තවත් දියුණු කළ යුත්තේ කෙසේදැයි අප කල්පනා කළ යුතුයි. එමනිසා කාදිනල්තුමා සමඟත්, අනෙක් ආගමික සභා සමඟත් සාකච්ඡා කර ඔවුන්ට අවශ්ය ආධාර උපකාර ලබාදීමට මම අධ්යාපන ඇමැතිතුමාට උපදෙස් ලබා දුන්නා. අප රජයක් ලෙස දැනට ආධාර ලබාදෙන පාසල්වල ආධාර තවත් වැඩි කිරීමට තීරණය කර තිබෙනවා. එමෙන්ම එම පාසල්වලට, ආසන්නයේ තිබෙන තවත් පාසලක් දියුණු කිරීමේ අවස්ථාව ලබාදීමටත් අප තීරණය කර තිබෙනවා. ඒ හරහා පාසල් දෙකම පෝෂණය වීම සිදුවෙනවා. මේ ආකාරයට අධ්යාපනය දියුණු කිරීමේ නව මාර්ග වෙත අප අවධානය යොමුකළ යුතුයි.
හොඳ අධ්යාපනයක් නොමැති රටක් අනාගතයක් නොමැති රටක් බවට පත්වෙනවා. වර්තමානයේ අපි ලබා ඇති දියුණුවට හේතුව 19 වන ශතවර්ෂය පමණ වන විට ලංකාවේ අධ්යාපනයේ ඇති වූ දියුණුවයි. එසේ සිදු නොවුණා නම් අප කඩාවැටුණු රාජ්යයක් බවට පත්වෙනවා. කුඩා රටක් වුවත් දිවයිනේ සෑම ප්රදේශයකම පාසල් ක්රියාත්මක වුණා. කොළඹ, නුවර, යාපනය, ගාල්ල, මාතර, ත්රිකුණාමලය, කුරුණෑගල ආදී විවිධ ප්රදේශවල පාසල් විශාල සංඛ්යාවක් පැවතුණා. කුමන ආගමික සභා යටතේ පාලනය වුවත් රටක් ලෙස අප ඉදිරියට පැමිණීමට එම පාසල් විශාල සේවාවක් සිදුකළා.
අතරමඟ බිඳවැටුණු එම අධ්යාපන ක්රමවේදය අප නැවතත් ගොඩනැඟිය යුතුයි. ඒ වෙනුවෙන් අධ්යාපන අමාත්යාංශය විශාල වැඩ කොටසක් ඉටුකරමින් සිටිනවා. එහි වැදගත්ම කාර්යය වන්නේ හොඳ ගුරුවරුන් බිහිකිරීමයි. හොඳ ගුරුවරුන් නොමැති නම් පාසල් ඉදිරියට ගෙන යාමට නොහැකියි. දැනුමෙන් සහ විනයෙන් පරිපූර්ණ අධ්යාත්මික පසුබිමක් සහිත ගුරුවරුන් රටට අවශ්යයි. රජයේ හෝ පුද්ගලික අංශයන්වල සියලුම පාසල් සඳහා මෙය අදාළයි. ඒ වගේම එම ගුරුවරුන් අගය කළ යුතුයි.
එසේ නම් රටේ පාසල් අධ්යාපන ක්ෂේත්ර වෙනුවෙන් ඔබ සිදුකර තිබෙන සේවය මම අගය කරනවා. ඔබේ සේවය අනාගතයේත් රට වෙනුවෙන් ලැබේවි යැයි මම බලාපොරොත්තු වන අතර ඔබට දීර්ඝායුෂ ප්රාර්ථනා කරනවා. රජයේ පාසල් සහ ආධාර යටතේ පාලනය වන පාසල් යන දෙඅංශයම රටේ පාසල් අධ්යාපන ක්ෂේත්රය දියුණු කිරීමේ වැඩපිළිවෙළට එක්කාසු කරගැනීමට රජයක් ලෙස අප බලාපොරොත්තු වෙනවා.
Most Reading
-
කාන්තාවකට අයුතු අවහිරයක් සිදුකර කර සාපරාධී බලහත්කාරකමක් කිරිමට අදාළව නැගෙනහිර පළාත් ආණ්ඩුකාර රෝහිත බෝගොල්ලාගම මහතාගේ බිරිඳ සහ දියණිය වහා...
-
ysgmq fj<| weu;s fcdkaiagka m%kdkaÿf.a n;a;ruq,a," chjvk.u msysá ksjfia jeisls,s jf,ka" ckm%sh .dhsld iñ;d trkao;S uqÿkafldg...
-
ඉදිරි දින කිහිපය තුළ සුවිශේෂී වෙනස්කමක් සිදුකරන බව ජනාධිපති ම්රෛතීපාල සිරිසේන මහතා අද ශ්රී ලංකා නිදහස් පක්ෂයට දැනුම් දී තිබේ. පළාත්...
-
දේශපාලනයේ අලුයට ගිනි නැංවෙමින් ඇත. පලාත් පාලන මැතිවරණ ජයග්රහණයෙන් පසු හිස උදුම්මාගත් බැසිල් රාජපක්ෂ ප්රමුඛ බැසිල්ගේ වන්දිභට්ඨයින් විසින...
-
udOHfõ§ ,ika; úl%u;=x. uy;d >d;kh ùug fmr tjlg ysgmq ckm;s uyskao rdcmlaI uy;dg ÿrl:kfhka l;d lr we;s nj Tyqf.a udOH m%ldYl frdydka je...