Advertisements

Loading...

Gossip

ප්‍රථම වරට මිශ්‍ර ක්‍රමයට පවත්වන පළාත් පාලන මැතිවරණය සඳහා පළාත් පාලන ආයතන 341කට පත්විය යුතු සභිකයන් සංඛ්‍යාව ඇතුළත් අති විශේෂ ගැසට් නිවේදනය පසුගිය සෙනසුරාදා (නොවැම්බර් 11) නිකුත් කෙරුණි.

ඒ අනුව මෙතෙක් පළාත් පාලන ආයතන නියෝජනය කළ සභිකයන් සංඛ්‍යාව 4486 සිට 8356 දක්වා ඉහළ යයි. එය පළාත් පාලන මන්ත්‍රීවරු 3870කගේ වැඩිවීමකි.

මෙතෙක් පැවති පළාත් පාලන ආයතන සංඛ්‍යාව ද 335 සිට 341 දක්වා වැඩි වී තිබේ. ඒ අලුතින් එක්වන පොලොන්නරුව මහ නගර සභාව, මිල්ලනිය, නෝර්වුඩ්, ආගරපතන, කොටගල හා මස්කෙළිය යන ප්‍රාදේශීය සභා හේතුවෙනි.

මහ නගර සභා සභික ප්‍රමාණයක් වැඩිවීම:


කොළඹ මහ නගර සභා මන්ත්‍රී සංඛ්‍යාව 55 සිට 110
දෙහිවල - ගල්කිස්ස මහ නගර සභා මන්ත්‍රී සංඛ්‍යාව 32 සිට 48
ශ්‍රී ජයවර්ධන පුර මහ නගර සභා මන්ත්‍රී සංඛ්‍යාව 20 සිට 35
කඩුවෙල මහ නගර සභා මන්ත්‍රී සංඛ්‍යාව 28 සිට 46
මොරටුව මහ නගර සභා මන්ත්‍රී සංඛ්‍යාව 29 සිට 48
මීගමුව මහ නගර සභා මන්ත්‍රී සංඛ්‍යාව 26 සිට 48
ගම්පහ මහ නගර සභා මන්ත්‍රී සංඛ්‍යාව 18 සිට 28
කුරුණෑගල මහ නගර සභා මන්ත්‍රී සංඛ්‍යාව 12 සිට 21
මහනුවර මහ නගර සභා මන්ත්‍රී සංඛ්‍යාව 24 සිට 41
මාතලේ මහ නගර සභා මන්ත්‍රී සංඛ්‍යාව 13 සිට 21
දඹුල්ල මහ නගර සභා මන්ත්‍රී සංඛ්‍යාව 15 සිට 21
නුවර එළිය මහ නගර සභා මන්ත්‍රී සංඛ්‍යාව 10 සිට 21
බදුල්ල මහ නගර සභා මන්ත්‍රී සංඛ්‍යාව 15 සිට 25
බණ්ඩාරවෙල මහ නගර සභා මන්ත්‍රී සංඛ්‍යාව 9 සිට 19
ගාල්ල මහ නගර සභා මන්ත්‍රී සංඛ්‍යාව 19 සිට 35
මාතර මහ නගර සභා මන්ත්‍රී සංඛ්‍යාව 15 සිට 28
හම්බන්තොට මහ නගර සභා මන්ත්‍රී සංඛ්‍යාව 12 සිට 21
රත්නපුර මහ නගර සභා මන්ත්‍රී සංඛ්‍යාව 15 සිට 28
අනුරාධපුර මහ නගර සභා මන්ත්‍රී සංඛ්‍යාව 13 සිට 25
යාපනය මහ නගර සභා මන්ත්‍රී සංඛ්‍යාව 23 සිට 45
මඩකළපුව මහ නගර සභා මන්ත්‍රී සංඛ්‍යාව 19 සිට 33
අම්පාර මහ නගර සභා මන්ත්‍රී සංඛ්‍යාව 9 සිට 16
කල්මුණේ මහ නගර සභා මන්ත්‍රී සංඛ්‍යාව 19 සිට 34
අක්කරපත්තු මහ නගර සභා මන්ත්‍රී සංඛ්‍යාව 9 සිට 24


එයට අමතරව නගර සභා 41ක සහ ප්‍රාදේශීය සභා 276කද සභික සංඛ්‍යාව සැළකිය යුතු ප්‍රමාණයකින් වැඩිවේ. මේ වැඩිවීමත් සමග එම මන්ත්‍රීවරුන්ට ලබාදෙන දීමනා සඳහා අතිවිශාල මුදලක් රජයට දැරීමට සිදුවන අතර මෙම නවක මන්ත්‍රීවරු සමග රැස්වීම් පැවැත්වීමට බොහෝ නගර සභා හා ප්‍රාදේශීය සභා ගොඩනැගිලිවල ඉඩකඩ නොමැති බැවින් රැස්වීම් ශාලා යළි ඉදිකිරීමටත් සිදුවිය හැකිය.

මෙම නව ක්‍රමය යටතේ මන්ත්‍රීවරුන් 60%ක් ඡන්ද කොට්ඨාස ක්‍රමයටද ඉතිරි 40% සමානුපාතික ක්‍රමයටද තෝරා පත්කර ගැනීමට නියමිතය. ඒ අනුව එක් සභාවකට ඉදිරිපත්වන පක්ෂයක්/කණ්ඩායමක් සිය නාම යෝජනා ලබාදීමේදී ආකෘති පත්‍ර වර්ග දෙකක් ඉදිරිපත් කළ යුතුය.


පළමු නාම යෝජනා පත්‍රය - පළාත් පාලන බල ප්‍රදේශය සඳහා කොට්ඨාස වෙනුවෙන් තෝරා ගැනීමට නියමිත සභික සංඛ්‍යාවට සමාන අපේක්ෂකයින් සංඛ්‍යාවකගේ නම් මෙම නාම යෝජනා පත්‍රයට ඇතුළත් කළ යුතුය. (බහු කොට්ඨාසයක් වෙනුවෙන් අවස්ථාවෝචිත පරිදි දෙදෙනෙකු හෝ තිදෙනෙකු නම් කළ යුතුය)
අතිරේක නාම යෝජනා පත්‍රය - කොට්ඨාස යටතේ තෝරාපත් කරගත යුතු සභික සංඛ්‍යාව 60% ක් ලෙස සලකා , ඉතිරි 40% වූ සභික සංඛ්‍යාවට 3ක් එකතු කිරීමෙන් ලබාගන්නා සංඛ්‍යාවට සමාන අපේක්ෂක නම් සංඛ්‍යාවක් මෙම නාම යෝජනා පත්‍රයට ඇතුළත් කළ යුතුය. සමානුපාතික නියෝජනයෙන් තේරී පත්වන මන්ත්‍රී සංඛ්‍යාව සඳහා මෙම ලයිස්තුවේ අපේක්ෂකයන් නම් කරනු ලැබේ.


කාන්තා හා තරුණ නියෝජනය

කාන්තා නියෝජනය තහවුරු කිරීම සඳහා කොට්ඨාස මට්ටමින් තරග කරන මුළු සභික සංඛ්‍යාවෙන් 10% ක් කාන්තාවන් විය යුතු බව මෙවර නීති ගත කර තිබේ. ඊට අමතරව සමානුපාතික නියෝජනයෙන් ඇතුළත් කළ යුතු අපේක්ෂිකාවන් සංඛ්‍යාව - එම නාම යෝජනා පත්‍රයේ සඳහන් අපේක්ෂකයින්ගෙන් 50% ක් බවටද දක්වා තිබේ.

ඒ අනුව 8000කට වැඩි මන්ත්‍රී සංඛ්‍යාවෙන් 2000කට ආසන්න ප්‍රමාණයක්වත් කාන්තාවන් පත්වනු ඇති බවට මැතිවරණ නිරීක්ෂණ කණ්ඩායම් විශ්වාසය පළ කරති.

මෙලෙස කාන්තා නියෝජනය වැඩිවුවත් මෙතෙක් තරුණ නියෝජනය අනිවාර්ය කරමින් තිබු නීතිය ඉවත් කර තිබෙන බැවින් තරුණ නියෝජනය අඩුවනු ඇති බවට ඇතැම් විශ්ලේෂකයෝ අවධානය පළ කරති.

ජන්දය කවදාද ?

පළාත් පාලන මැතිවරණය ජනවාරි මස 25 වැනිදාත් 31 වැනිදාත් අතර දිනක දී පවත්වන බව මේ අතර මැතිවරණ කොමිසම පවසයි.

කොමිසමේ සභාපති මහින්ද දේශප්‍රිය පෙන්වා දෙන පරිදි සඳුදා (නොවැම්බර් 13) සිට දින 80 ක්‌ ඇතුළත ඡන්ද විමසීම සිදු කළ යුතුය. පළාත් පාලන ආයතන සඳහා නාම යෝජනා කැඳවන දිනය, නාම යෝජනා කාල සීමාව සහ ඡන්දය පැවැත්වෙන දිනය මැතිවරණ කොමිසම විසින් ඉදිරි දිනවල තීරණය කරනු ඇති බව එහි ප්‍රකාශකයෙක් බීබීසී සිංහල සේවයට පැවසීය.

සභික සංඛ්‍යාව ඇතුළත් අතිවිශේෂ ගැසට් නිවේදනයට අනුව මෙම පළාත් පාලන ආයතනවල ධුර කාලය 2018 වසරේ පෙබරවාරි මස 15 වෙනි දින සිට ආරම්භ විය යුතුය.

බීබීසී

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip lanka , Sri Lanka gossip, Sri Lanka Sinhala gossip ______________________________________________________________
© 2016 Gossip99 Email : info@gossip99.com
Advertising - Contact Here Editor - editor@gossip99.com Contact Here Help Desk : info@gossip99.com
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Advertisements

Advertisements

Loading...

GALLERY