පළාත් පාලන සීමා නර්ණ ගැසට් නිවේදනය බල රහිත කර මැතිවරණය කල්දමන්නැයි අභියාචනාධිකරණයට ඉදිරිපත් වූ රීට් පෙත්සම නිෂ්ප්‍රභ කරන ලෙස ඉල්ලා පෙත්සමක් ඉදිරිපත් කිරීමට ශ්‍රී ලංකා නිදහස් පක්‍ෂය සූදානම් වනවා.
අමාත්‍ය නිමල් සිරිපාල ද සිල්වා මහතා බදුල්ලේ පැවති උත්සවයකදී සඳහන් කළේ මෙම පෙත්සම මැතිවරණය කල්දැමීමට අවශ්‍ය පිරිසකගේ කුමන්ත්‍රණකාරී වැඩපිළිවෙලක් බවයි.
මේ අතර, මැතිවරණය කල්දමන්නැයි ඉල්ලා ඉදිරිපත් වූ රීට් පෙත්සම නිෂ්ප්‍රභ කරන්නැයි ඉල්ලා ජනතා විමුක්ති පෙරමුණ, ශ්‍රී ලංකා පොදු ජන පෙරමුණ, පැෆරල් සංවිධානය, කැෆේ සංවිධානය හා නීතිඥවරුන් කිහිපදෙනෙක් එක්ව අතරමැදි පෙත්සම් 6 ක් ඉදිරිපත් කර තිබෙනවා.
මේ අතර, මැතිවරණය පැවැත්වෙන දිනය එළඹෙන 27 වන දා මැතිවරණ කොමිසම විසින් ප්‍රකාශයට පත් කරනු ඇති බව පැෆරල් සංවිධානය පවසනවා.
එහි විධායක අධ්‍යක්‍ෂ රෝහණ හෙට්ටි ආරච්චි මහතා පැවසුවේ මීට එරෙහිව ඉදිරිපත් වී ඇති පෙත්සම මැතිවරණය ප්‍රකාශයට පත් කිරීමට බාධාවක් නොවනු ඇති බවයි.
