Advertisements

Loading...

Gossip

සුදු වෑන්-ග්‍රීස් යක්කු නෑ
අාණ්ඩුව විෙව්චනය කළාට හිෙර් දාන්නේ නෑ
මාධ්‍යවේදීන් ඝාතනය කරන්නේවත් පැහැරගෙන කරන්නේවත් නෑ

ගත වුණු වසර තුනේ දී රටේ ක්‍රමිකව ගොඩ නැඟුණු ප්‍රජාතන්ත්‍රවාදය සහ නිදහස ශක්තිමත් කිරීම උදෙසා ඉදිරියට ගමන් කරනවා ද නැතිනම් එම අයිතීන් බිඳ දමා ගනිමින් දූෂණය සහ භීෂණය වෙත ආපසු හැරෙනවාද යන්න ජනතාව තීරණය කළ යුතු බව මුදල් සහ ජනමාධ්‍ය ඇමැති මංගල සමරවීර මහතා සඳහන් කරයි.

වතුර ඉල්ලා හඬ නැ‍ඟූ පිරිස වෙඩි තබා ඝාතනය කිරීම, සුදු වෑන් සහ ග්‍රීස් යකුන් සංස්කෘතිය, ආණ්ඩුවේ දේශපාලනඥයන් විවේචනය කරන අය හිරේ දැමීම, මාධ්‍යවේදීන් ඝාතනය සහ පැහැරගෙන යෑම, මාධ්‍ය ආයතනවලට පහර දිම සහ ගිනි තැබීම සිදු කරමින් පුරවැසියන් මත පටවන ලද බලහත්කාරය සහ දූෂිත පාලනය 2015 ජනවාරි 8දා බිඳ වැටීම අතර ගැඹුරු සම්බන්ධයක් පවතින බවද නිවේදනයක් නිකුත් කරමින් ඇමැතිවරයා පෙන්වා දෙයි.

රාජපක්ෂ රෙජිමය සහ එහි සෙසු කොල්ලකරුවෝ නැවත වරක් නිවෙස් දොරකඩ මුව අයාගෙන බලා සිටින බව සඳහන් කරන අමාත්‍යවරයා නිදහස, ප්‍රජාතන්ත්‍රවාදය සහ සාමය අවශ්‍ය සියලු පුරවැසියන් නිදහස උදෙසා වු ගමන සමඟ ඉදිරියට ගමන් කරනවාද නැතිනම් දූෂණයේ සහ භීෂණයේ පියවරුන් දෙස ආපසු හැරෙනවාද යන්න තීරණය කිරීම ජනතාව සතු බවද එහි සඳහන් වේ.

‘නිදහස උදෙසා ඉදිරියට යනවද භීතිය වෙත ආපසු හැරෙනවද’ තීරණය ඔබ අතේය
ඉදිරි වසරවලදී ශ්‍රී ලාංකිකයන්ගේ ගමන් මඟ තීරණය කෙරෙන තව සති දෙකකින් පැවැත්වෙන තීරණාත්මක මැතිවරණයත් එහිදී ජනතාව විසින් සිහිපත් කළ යුතු සිදුවීම් පිළිබඳත් මුදල් හා ජනමාධ්‍ය ඇමැති මංගල සමරවීර මහතා මෙසේ කියයි.

සාධාරණ සමාජයක් උදෙසා වූ ජාතික සම්මුතිවාදී රජය සිය ඓතිහාසික සහ විප්ලවකාරී ජයග්‍රහණය සනිටුහන් කර වසර 3ක් සම්පූර්ණ වී ඇත. එම වෙනසින් අනතුරුව අප විසින් අත්පත් කරගත් ජයග්‍රහණ බොහෝය. නමුත් අප ඉදිරියේ ඇති අභියෝගද බොහෝය.

ඉදිරි වසරවලදී අපගේ ජාතියේ ගමන් මග තීරණය කරන්නා වූ තීරණාත්මක මැතිවරණයක් සති දෙකකින් පැවැත්වීමට නියමිතය.

එය, පසුගිය කාලයේ ක්‍රමිකව ගොඩනගන ලද ප්‍රජාතන්ත්‍රවාදයේ ශක්තීන් සහ සම්ප්‍රදායන් නැවත වරක් ඉරා බිඳ දමනවාද නැද්ද යන්න තීරණය කරන්නා වූ මැතිවරණයකි. එය, නැවත අපේ රට නිදහසේ සුව විඳිනවාද, නැතිනම් එක පවුලක් සහ ඔවුන්ගේ හෙංචයියන්ගේ තර්ජන, ගර්ජන සහ අපයෝජනවලට බියෙන් සලිතව සැලෙනවාද යන්න තීරණය කරන්නා වූ මැතිවරණයකි.

පෙබරවාරි 10 දින පැවැත්වීමට නියමිත පළාත් පාලන මැතිවරණය හුදෙක් නාගරික සහ ග්‍රාමීය ප්‍රදේශවල දේශපාලන බලය නතු කර ගැනීම වෙනුවෙන් වන ප්‍රාදේශීය තරගයක්ම පමණක් නොවේ. එය, පැවැති දූෂිත ඒකාධිපති වැඩපිළිවෙළ යළි ස්ථාපිත කිරීම වෙනුවෙන් වන පෙර පැවැති රෙජීමයේ පළමු සැබෑ උත්සාහයයි.

එවැනි සන්දර්භයක් තුළ තිරසාර සාමය සහ සෞභාග්‍යය වෙනුවෙන් ශ්‍රී ලංකවේ ඉදිරි ගමන් මාර්ගයේ වගකීම ඉදිරියට රැගෙන යාම ජනවාරි 8 විප්ලවයේ කොටස්කරුවන්ගේ සහ ඒ හරහා තේරී පත් වූ මහජන නියෝජිතයන්ගේ කර මත පැටවී ඇති දැඩි අභියෝගයකි. සහතිකවම එය වෙහෙසකාරී ගමනකි.

ඉදිරියෙන් ඇති මාර්ගයේදී කලකිරීම්, දුෂ්කරතා සහ අවස්ථා අහිමි වීම් සිදු විය හැකිය.

නමුත්, සමාජයක් ලෙස දැනටමත් අත් කරගෙන ඇති ජයග්‍රහණ, ඒ මත ගොඩනැඟී ඇති සාමය සහ වෙනස සඳහා වූ කවුළුව මම විවෘතව තබමි. අතීතය පිළිබඳ පැහැදිලි මතකයක් තිබීම වැදගත් බව මම විශ්වාස කරමි. මෙම තීරණාත්මක මැතිවරණයේදී සියලු ශ්‍රී ලාංකිකයන් මුහුණ දෙන ඓතිහාසික තීරණය පිළිබඳව නිරවුල් මනසකින් සහ දීර්ඝකාලීන දැක්මක් ඔස්සේ සලකා බැලීම ඉතා වැදගත් බව විශ්වාස කරමි.

මතකය ගිලිහෙමින් අපි වර්තමාන දේශපාලන ආරවුල් වල පැටලී සිටිමු. 2013 වසරේ අගෝස්තු මස පළමු දින පිරිසුදු වතුර ඉල්ලා හඬ නැඟූ පිරිසක් පැවති රජය විසින් වෙඩි තබා ඝාතනය කළ අයුරු අමතක කිරීම පහසු ද?

අපි, අපෙන්ම අසා ගත යුතු පැනයක් ඇත. එදා පැවැති සුදු වෑන් දැන් කොහේද? ග්‍රීස් යකුන් ගොස් ඇත්තේ කොහේද?

ආණ්ඩුවේ දේශපාලන විවේචකයන් හා විරුද්ධවාදීන් හිරේ නොදමන්නේ මන්දැයි අප ප්‍රශ්න කළ යුතුය. මාධ්‍ය ආයතනවලට පහරදීම් සහ ගිනිතැබීම් තව දුරටත් සිදු නොවන්නේ මන්දැයි අප ඇසිය යුතුය. මාධ්‍යවේදීන් පැහැරගෙන යෑම, ඝාතනය කිරීම් තව දුරටත් සිදු නොවන්නේ ඇයිදැයි අප විමසිලිමත් විය යුතුය.

* ඔබට 'නයිට් රේස්' මතකද? ජනාධිපතිධුරයේ බලතල යොදා ගනිමින් තම පුත්‍රයන්ගේ සුඛ විහරණය උදෙසා කැපවූ ඊනියා ප්‍රේමාන්විත පියාව ඔබට මතකද?

* ප්‍රතිවිරුද්ධ රග්බි ක්‍රීඩකයන් වීමේ වරදට තරුණයන් ජීවිතයෙන් වන්දි ගෙවූ කාලය ඔබට මතකද?

* ජනාධිපතිගේ අසාර්ථක නූගත් මස්සිනා ශ්‍රී ලංකාවේ ජාතික ගුවන් සේවය බිමට ඇද වැට්ටූ අයුරු ඔබට මතකද?

* පාලක රෙජීමයේ පවුලේ අය ගැන රහසින් කනට කොඳුරනවා මිස, යමක් විවෘතව කතා කළ නොහැකි යුගයක් මීට ටික කලකට පෙර තිබූ බව ඔබට මතකද?

සැබවින්ම ක්‍රියාකාරී ප්‍රජාත්නත්‍රවාදී රාජ්‍යයක පුරවැසියන් විසින් භුක්ති විඳිය යුතු මූලිකම ප්‍රජාතන්ත්‍රවාදයේ ලක්ෂණ මේවාය.

පුරවැසියන් මත පටවන ලද බලහත්කාරය සහ දූෂිත රාජපක්ෂ පාලනය 2015දී බිඳ වැටීම අතර ගැඹුරු සම්බන්ධයක් පවතින බව අප කෙදිනකවත් අමතක නොකළ යුතුය.

රාජ්‍ය දේපළ අපහරණය සහ රාජ්‍ය ත්‍රස්තවාදය යොදාගැනීමේ එම සංස්කෘතියම පෙබරවාරි 10 වැනිදා නැවත වටයකින් යළි පැමිණීමට උත්සහ දරයි.

මෙම මැතිවරණයේදී සිදු කරන්නා වූ ඡන්ද ආක්‍රමණයක් ඔස්සේ අනාගත මැතිවරණවලදී ජාතික මට්ටමේ බලපෑමක් එල්ල කිරීමට හැකියාව පවතී. ඉදිරි මැතිවරණය කුඩා එකක් ලෙස පෙනුනද, එය අනාගත ජාතික මට්ටමේ මැතිවරණයකදී බලපෑම් කළ හැකි ප්‍රතිවිපාක සහිත වීමේ ඉඩක් පවතී. අද දිනයේ නැවත නිදහසේ සුව විඳින ශ්‍රී ලාංකීය ජනතාවගේ හිස් මත එහි සෙවණැලි වැටෙන බව නොඅනුමානය.

අප මේ වනවිට ළඟා විය යුතු යැයි බලාපොරොත්තු වූ දේශය කරා ළඟා වීමට තවම අපට නොහැකි වී ඇති බව සැබෑය. නමුත් සුපැහැදිලිවම අපි ඒ කරා නිවැරදි ගමනක් යමින් සිටින්නෙමු.

වෙනස්කම් වැඩිවෙමින් පවතී, දේශපාලන පද්ධති ස්ථාවර හා ඇතැම් විට නිශ්චල විය හැකිය. නමුත් වෙනස්කම් කිරීමේ අවශ්‍යතාව සදාතනිකව නොවෙනස්ය. වඩ වඩාත් ශක්තිමත්ය.

රාජපක්ෂ රෙජීමය සහ එහි සෙසු මංකොල්ලකරුවෝ නැවත වරක් අපගේ නිවෙස් දොරකඩ මුව අයා බලා සිටිති. ශ්‍රී ලංකාව තවත් සන්ධිස්ථානයකට පැමිණ තිබේ. යම් ආකාරයකින්, මෙය නිදහස, ප්‍රජාතන්ත්‍රය සහ සාමය අවශ්‍ය සියලු පුරවැසියන්ගේ තෝරාගැනීම තවත් පැහැදිලිව පෙන්වීම සඳහා අවස්ථාවක් උදා කර තිබේ. පෙබරවාරි 10වැනිදා ජනතාවට නැවත වරක් තෝරා ගැනීමක් සිදු කිරීමට ඇත. නිදහස උදෙසා වූ ගමන සමඟ ඉදිරියට ගමන් කරනවාද නැත්නම් දූෂණයේ භීෂණයේ පියවරුන් දෙස ආපසු හැරෙනවාද යන තීරණය ඔබ අතේය.

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip lanka , Sri Lanka gossip, Sri Lanka Sinhala gossip ______________________________________________________________
© 2016 Gossip99 Email : info@gossip99.com
Advertising - Contact Here Editor - editor@gossip99.com Contact Here Help Desk : info@gossip99.com
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Advertisements

Advertisements

Loading...

GALLERY