දස වසරක් තිස්සේ ඥාති – ගජ – මිතුරු ආර්ථික ක්‍රමයක් ක්‍රියාත්මක කරමින් මුළු රටම විනාශ මුඛයට ඇද දැමූ හිටපු ජනාධිපති හා කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ හා සුදු වෑන් සංස්කෘතියක් බිහි කරමින් මහා භීෂණයක් ඇති කල හිටපු ආරක්ෂක ලේකම් ගෝඨාභය රාජපක්ෂ රට නැවත වාරයක් ‘විපත් මග’ ට ඇද දැමීමේ මහත් උත්සහයක නිරත වන බවට මුදල් හා ජනමාධ්‍ය අමාත්‍යවරයා චෝදනා කරයි.
රටේ බිහි වූ වඩාත් ම දූෂිතම සහ භයංකාරම රාජ්‍ය නිලධාරියා ලෙස හිටපු ආරක්ෂක ලේකම් ගෝඨාභය රාජපක්ෂ බව පවසන ඇමැති මංගල සමරවීර රට සංවර්ධනය කිරීමට නම් පාලකයන් හා නිලධාරීන් දූෂණයෙන් තොරව සිටිය යුතු යැයි පවසන්නේ මැරී යළි උපදුණු කුඩා දරුවකු මෙන් බවයි පවසන්නේ.
ශ්‍රී ලංකාවට මෙන් ම ලෝකයට ද සුදු වෑන් භීෂණය මුලින් ම හඳුන්වා දුන් පුද්ගලයා ගෝඨාභය රාජපක්ෂ බව පෙන්වා දෙන ඇමැතිවරයා ඔහුට විරුද්ධව අධිකරණය ඉදිරියේ හා පොලිසියේ පරීක්ෂණ රාශියක් පවත්වමින් කිබෙන බව ද නිවේදනයක් නිකුත් කරමින් කියා සිටි.
එම චෝදනා වලට තමන් නිවැරදිකරු බව පෙන්වා දෙනවා වෙනුවට අතිදක්ෂ නීතිඥයන් මාර්ගයෙන් ඔහුව අත්අඩංගුවට ගැනීමට ඇති හැකියාවට එරෙහිව අධිකරණ නියෝග ලබා ගැනීමේ කටයුත්තෙහි පමණක් නිරතව සිටින බවයි මංගල සමරවීර ඇමැතිවරයා පෙන්වා දෙන්නේ.
ජනතාව නොමග යවා යළිත් බලය ඩැහැගැනීමට වෙර දරන්නේ මේ සියලු නඩු යටපත් කිරීමට තිබෙන නොඉවසිල්ල නිසා සහ යළි වතාවක් රටේ සම්පත් සූරා කෑමට තිබෙන අවශ්‍යතා මත විනා රටට ඇති ආදරය නිසා නොවන බව පැහැදිලි බවයි ඇමැතිවරයා අවධාරණය කරන්නේ.
පසුගිය රජයේ ප්‍රධානීන්ගේ ගජ මිතුරු ආර්ථික ක්‍රමය හේතුවෙන් රටේ ආර්ථික සංවර්ධනය සඳහා කිසිදු ක්‍රමවේදයක් ක්‍රියාත්මක නොවනු බව පෙන්වා දෙන මුදල් හ ජනමාධ්‍ය අමාත්‍ය මංගල සමරවීර එවන් පසුබිමක රට පාලනය කළ රාජපක්ෂ පවුලේ සහෝදරයන් යළිත් බලය ඩැහැගැනීම සඳහා ජනතාව ‘විපත් මග’ට ඇද දැමීමට දරණ උත්සාහය පරාජය කරමින් 2025 වනවිට ශක්තිමත් ආර්ථිකයක්, පොහොසත් රටක් බිහි කිරීමේ මෙම රජයේ වැඩ පිළිවෙල සමග එක්වන ලෙස ජනතාවගෙන් වැඩි දුරටත් ඉල්ලා සිටි.
