ජනතාවට හරි දේ ලබාදීම වෙනුවෙන් පාට පක්ෂ බේධයෙන් තොරව අප රජය කටයුතු කරන බවත් එහිදී පටු දේශපාලන අරමුණු සහිත පුද්ගලයන්ට එම ජනතාවාදී වැඩසටහන් කඩාකප්පල් කිරීමට ඉඩ නොදෙන බව අමාත්‍ය සාගල රත්නායක ප්‍රකාශකරයි.
වැඩිදුරටත් සදහන් කරමින් ඇමතවරයා පැවසුවේ තමන් හිතුවක් කාර බවත් ඒ ජනතාවට සහන සැලසීමට වෙනුවෙන් බවයි.
ඒ අද (23) තිහගොඩදී පසුගිය වසරේ (2017 මැයි) ඇතිවූ ගංවතුර හේතුවෙන් නිවාස හානි සිදුවූ පවුල් 404 ක් වෙනුවෙන් රුපියල් එක්කෝටි අසූ ලක්ෂයකට අධික වන්දි මුදලක් බෙදාදීම වෙනුවෙන් අද උදෑසන අමාත්‍යවරයාගේ ප්‍රධානත්වයෙන් පැවති අවස්ථාව අමතමිනි.
තිහගොඩ කොට්ඨාශයේ නිවාස හානියට ලක්වූ සියලු පවුල් සංඛ්‍යාව 1471 ක් වන අතර ඔවුන් සියලුදෙනා අතරේ රුපියල් පන්කෝටි පනස් හය ලක්ෂයකට අධික සමස්ත වන්දි මුදලක් මෙලෙස ලබාදීමට කටයුත කරනු ඇත.
