Advertisements

Loading...

Gossip

"මාධ්‍ය වාරණය" යන වචනය අදට වලංගු නොවන බවත්, වාරණ වෙනුවට සිදු කළ යුත්තේ සත්‍ය පුවත් වාර්තා කරන සැබෑ මාධ්‍යවේදීන් දිරිමත් කිරීම බවත් මුදල් හා ජනමාධ්‍ය අමාත්‍ය මංගල සමරවීර මහතා ප්‍රකාශ කරයි.

2018 ජනාධිපති මාධ්‍ය සම්මාන උළෙල පිළිබඳ දැනුවත් කිරීම සඳහා අද (06) මුදල් හා ජනමාධ්‍ය අමාත්‍යාංශයේ පැවැති හමුවක දී අමාත්‍යවරයා මේ බව කියා සිටියේය.

ජනාධිපතිවරයා හෝ රජය මාධ්‍ය මගින් කුමන ආකාරයේ විවේචනයකට ලක් කළ ද පවතින මාධ්‍ය නිදහස කිසිදු සීමා කිරීමට ලක් නොකරන බව පවසන අමාත්‍යවරයා වැඩි දුරටත් අදහස් දක්වමින්,

"බොහෝ විට ජනමාධ්‍ය පිළිබඳ එල්ල වන්නේ දෝෂාරෝපණ.එහෙම යුගයක ජනාධිපති සම්මාන උළෙලක් පිළිබඳ සාකච්ඡා කිරීමට සිදුව තිබෙන්නේ. අද වන විට ස්මාට් ජංගම දුරකතනයක් හිමි හැම දෙනෙකු ම මාධ්‍යවේදියෙක්. තමන්ට අවශ්‍ය ඕනෑම දෙයක් අන්තර්ජාලය ක්ෂණිකව මුදා හරින්න පුළුවන්. ඒ නිසා වාරණය අදට වලංගු නෑ".

"අසත්‍ය පුවත් නිර්මාණ පිළිබඳ ලොව පුරා කතා බහට ලක් වන සමයක වාරණය හෝ තහනම් කිරීම යනු එම පුවත්වලට තවත් ප්‍රචාරයක් ලබාදීමක්. එ් නිසා අසත්‍ය ප්‍රවෘත්තිවලට මුහුණ දීමට අවශ්‍ය ශක්තිය තියෙන්න ඕන. අමෙරිකානු හිටපු රාජ්‍ය ලේකම් හිලරි ක්ලින්ටන් වරෙක කියා තිබුණේ තමන් පුවත්පත් නොබලන බව.ඊට හේතුව ලෙස ඇය දක්වා තිබුණේ ප්‍රවෘත්ති කියවීමෙන් තමන්ට දෛනික කටයුතු පවත්වාගෙන යාමට නොහැකියාව. අසත්‍ය පුවත් අද සමස්ත ලෝකයටම තර්ජනයක් . මේ සඳහා කළ යුතු හොඳ ම දේ නම් සත්‍ය පුවත් වාර්තා කරන සැබෑ මාධ්‍යකරුවන් අගය කිරීම. එසේම ගෞරවනීය ජනමාධ්‍ය කලාවක් අගය කරන පිරිසක් බිහි කිරීම" යැයි පැවසීය.

මාධ්‍ය නිදහසෙන් පහර කෑ පුද්ගලයකු ලෙස ජනාධිපතිවරයා ද මේ සම්මාන උළෙල පිළිබඳ ප්‍රසාදයෙන් කටයුතු කරමින් සිටින බව ද අමාත්‍යවරයා එහිදී වැඩි දුරටත් පැවැසීය.

2018 ජනාධිපති මාධ්‍ය සම්මාන උළෙල දෙසැම්බර් මස 19 වැනි දා පැවැත්වීමට කටයුතු යොදා තිබේ. සිංහල, දෙමළ සහ ඉංග්‍රීසි යන මාධ්‍යවලින්, පුවත්පත්, රූපවාහිනී, ගුවන්විදුලි සහ වෙබ් යන ක්ෂේත්‍ර හතර ඔස්සේ දැක් වූ දක්ෂතා වෙනුවෙන් සම්මාන 54ක් මෙහි දී ප්‍රදානය කිරීමට නියමිත ය. ස්වාධීන විනිශ්චය මණ්ඩලයක් මගින් අදාළ නිර්දේශයන් සිදු කරනු ඇත.

මෙම අවස්ථාවේදී ජනාධිපති මාධ්‍ය සම්මාන උළෙල සඳහා වූ www.pma.gov.lk වෙබ් අඩවිය ජාල ගත කිරීම ද සිදු කෙරිණි. ඒ අනුව සම්මාන උළෙලට අයදුම් කරන ආකාරය ඇතුළු සියලු විස්තර එම වෙබ් අඩවිය ඔස්සේ සේ ම www.media.gov.lk යන වෙබ් අඩවිය ඔස්සේ ලබා ගත හැකි ය.

මෙම අවස්ථාවට ජනමාධ්‍ය නියෝජ්‍ය අමාත්‍ය ලසන්ත අලගියවන්න, මුදල් රාජ්‍ය අමාත්‍ය ඉරාන් වික්‍රමරත්න, මුදල් හා ජනමාධ්‍ය අමාත්‍යාංශ ලේකම් ආචාර්ය ආර්.එච්.එස්. සමරතුංග, අතිරේක ලේකම් තිලකා ජයසුන්දර යන මහත්ම මහත්මීහු මෙම අවස්ථාවට එක්ව සිටියහ. මීට අමාත්‍ය රාජ්‍ය සහ පෞද්ගලික මාධ්‍ය ආයතන ප්‍රධානීහු ඇතුළු පිරිසක් ද මෙම අවස්ථාවට එක් වූහ.

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip lanka , Sri Lanka gossip, Sri Lanka Sinhala gossip ______________________________________________________________
© 2016 Gossip99 Email : info@gossip99.com
Advertising - Contact Here Editor - editor@gossip99.com Contact Here Help Desk : info@gossip99.com
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Advertisements

Advertisements

Loading...

GALLERY