Get all the latest news and hot gossip, gossip Lanka news, Sri Lanka exclusive news, Sri Lankan daily hot Sinhala and English gossip news and much more on gossip99.com

Advertisements

Loading...

Healthy Tips

KELIBIMA

FACEBOOK

අන්තිම කැමති පත්‍රයක් නොතබා මියගිය හිටපු කතානායක අනුර බණ්ඩාරනායක මහතාගේ බූදලයේ හිමිකම් නීත්‍යානුකූලව ලබාගැනීම සඳහා හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ඊයේ (04) කොළඹ දිසා අධිකරණයට පැමිණියාය.

කොළඹ දිසා අධිකරණයේ ප්‍රධාන රෙජිස්ට්‍රාර්වරයා ඉදිරියේදී බූදල් නඩුවේ කටයුතු පිළිබඳ සාකච්ඡා කළ කුමාරතුංග මහත්මිය අධිකරණයෙන් පිටව ගියේ මෙතරම් පැරණි ගොඩනැගිල්ලක තවමත් සේවය කරන්නේ මන්දැ’යි අධිකරණ සේවකයින්ගෙන් විමසමිනි.

2008 මාර්තු 16 දින මියගිය අනුර බණ්ඩාරනායක මහතාගේ බූදලයේ එකම උරුමක්කරුවන් තමන් හා තම සහෝදරිය වූ චන්ද්‍රිකා බණ්ඩාරනායක කුමාරතුංග මහත්මිය බව පවසමින් ‍සුනේත්‍රා බණ්ඩාරනායක මහත්මිය පැවරූ බූදල් නඩුවේ හිමිකම් ලබාගැනීමට කුමාරතුංග මහත්මිය මෙසේ පැමිණ සිටියාය.

අන්තිම කැමති පත්‍රයක් ලියා තබා නැති බණ්ඩාරනායක මහතා සතුව රුපියල් 1,183,830,735.12ක මුදලක් හා තවත් බූදල් වත්කම් තිබූ බවත් එහි උරුමය තමන් හා සහෝදරිය වෙත පවරන ආඥාවක් නිකුත් කරන ලෙස ඉල්ලා සුනේත්‍රා බණ්ඩාරනායක මහත්මිය 2009 ජනවාරි 30 දින මේ නඩුව පැවරුවාය.

සුනේත්‍රා මහත්මිය පැවරූ මේ බූදල් නඩුව පුවත්පත්වල පළකිරීමෙන් පසුව බණ්ඩාරනායක මහතාගේ රියදුරු ආරක්ෂක ඇතුළු සමීපව කටයුතු කළ පුද්ගලයින් සිව්දෙනෙක් බූදලයට උරුමකම් කියමින් මැදිහත් පෙත්සම් ගොනු කළහ.

ආරක්ෂක වසන්ත සමරසේකර ඇමැති කාර්ය මණ්ඩලයේ සෙනරත් චන්ද්‍රසිංහ, ඩර්වින් සපරමාදු, රවින්ද්‍රලාල් පෙරේරා යන පුද්ගලයෝ මෙසේ අතරමැදි පෙත්සම් ඉදිරිපත් කළහ.

ඔවුන් කියා සිටියේ බණ්ඩාරනායක මහතා අන්තිම කැමති පත්‍රයක් ලියා තිබූ බවත් එහි ඡායාස්ථ පිටපත් තමන් සතුව ඇති බවත්ය.

ඊට විරෝධතා ගොනු කළ සුනේත්‍රා බණ්ඩාරනායක මහත්මිය අධිකරණයට කරුණු දක්වමින් කියා සිටියේ අන්තිම කැමති පත්‍රය යැයි කියන ලේඛනයක් බණ්ඩාරනායක මහතා ජීවත්ව සිටියදීම විනාශ කළ බවය.

2009 ජූලි මාසයේදී නඩුවේ විමසීම ආරම්භ කළ දිසා අධිකරණය අතරමැදි පෙත්සම්කරුවන්ගේ ඡායාස්ථ පිටපත් පිළිගැනීම ප්‍රතික්ෂේප කරමින් නියෝගයක් නිකුත් කෙළේය.

බූදල් නඩුවක උරුමකම් පෑම සඳහා ඡායාස්ථ පිටපත් පිළිගත හැකිද? නොහැකිද? යන්න පිළිබඳ සිවිල් අභියාචනාධිකරණයේ හා ශ්‍රේෂ්ඨාධිකරණයේ දීර්ඝ අභියාචන සලකා බැලීමෙන් පසුව බූදලයේ උරුමය සුනේත්‍රා මහත්මියට හා චන්ද්‍රිකා බණ්ඩාරනායක කුමාරතුංග මහත්මියට හිමි බවට දිසා අධිකරණය නියෝග නිකුත් කළේය. ඒ අනුව චන්ද්‍රිකා කුමාරතුංග මහත්මිය බූදල් නඩුවෙන් තමන්ට හිමි වූ දේපළ නීත්‍යානුකූලව භාරගැනීම සඳහා මෙසේ දිසා අධිකරණයට පැමිණියාය.

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip Lanka, col3neg ______________________________________________________________
© 2016 Gossip99 Email : info@gossip99.com
Advertising - Contact Here Editor - Contact Here
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

Paid Ads

Ananmanan

GOSSIP99

BOOK MARK

VIDEO PORTAL