Wednesday, January 24, 2018
Home
Gossip Lanka News
දේශපාලකයා පස්සෙ යන ‘එහෙයි’ න්යායේ ඉන්න කණ්ඩායමක් සමාජයට අවශ්ය නෑ - ධනුෂ්ක රාමනායක
දේශපාලකයා පස්සෙ යන ‘එහෙයි’ න්යායේ ඉන්න කණ්ඩායමක් සමාජයට අවශ්ය නෑ - ධනුෂ්ක රාමනායක
-
Wednesday, January 24, 2018
අතීත සමාජයට වඩා වත්මන් සමාජය දැනුවත් වගේම බුද්ධිමත්. අපිට අවශ්ය කරන්නෙත් එහෙම සමාජයක්. තරුණ තරුණියෝ විදියටත්, තරුණ වෘත්තීයවේදීන් විදියටත් අපේ මේ උත්සාහය මහරගම නගරය ඉදිරි වසර කිහිපය තුළ ලංකාවේ සංවර්ධිතම නගරයක් බවට පත්කිරීමට කටයුතු කිරීම බව මෙවර පළාත් පාලන මැතිවරණයට මහරගම නගර සභාවට එක්සත් ජාතික පක්ෂය යටතේ තරඟ කරන ධනුෂ්ක රාමනායක මහතා පවසයි.
රැකියාවක් ලබාගන්න, ව්යාපාරයක් පවත්වගෙන යන්න, තමන්ගේ අනෙකුත් ඕනෑ එපාකම් සපුරගන්න දේශපාලකයා පස්සෙ යන එහෙයි න්යායේ ඉන්න කණ්ඩායමක් සමාජයට අවශ්ය නොමැති බවත්, ඒ වෙනුවෙන් අනාගත දේශපාලන හෙංචයියන් බිහිකළ යුතු නොමැති බවද රාමනායක මහතා පෙන්වා දෙයි. ධනුෂ්ක රාමනායක මහතා මේ බව සඳහන් කර සිටියේ, සිය මැතිවරණ ව්යාපාරයේ 06 වන ජනහමුව මහරගම විපශ්යාරාම පාරේ පිහිටි සුමුදු දිසානායක මහතාගේ නිවසේ අති සාර්ථකව පවත්වමිනි.
එහිදී වැඩිදුරටත් අදහස් දැක්වූ රාමනායක මහතා,
වත්මන් සමාජයට අවශ්ය වන්නේ, සමාජයේ කරන කියන දෑ, දේශපාලකයන් කියන කරන දෑ, අනෙකුත් සමාජ ස්ථරයන් කරන කියන දෑ සම්බන්ධයෙන් උගත් බුද්ධිමත් මනසකින් විමසා තීරණයකට එළඹෙන්න පුළුවන් පිරිසක්. අද වන විට එවැනි බුද්ධිමත්, දැනුවත් කණ්ඩායමක් මහරගම නිර්මාණය වී අවසන්. අනාගත සමාජ අභිවෘද්ධිය වෙනුවෙන් එම බුද්ධිමත් දැනුවත් පිරිසගේ යුතුකම, ඔවුන්ගේ වගකීම ලබන පෙබරවාරි 10 වනදා අනිවාර්යෙන්ම ලබාදෙනු ඇති බව විශ්වාසයි.
අප විසින්ම අපේ මනාපය ලබාදී පාර්ලිමේන්තුවට තෝරා පත්කර යවන මිනිස්සු පාර්ලිමේන්තුවට ගොස් කරන්නේ එකිනෙකා ගහ මරාගැනීම් වගේ අපිටම එපාවෙන වැඩකටයුතු. ඒ නිසා මෙවර ඡන්ද ක්රමයත් එක්ක අපිට ගම ඇතුළෙන්ම පෙරනයක් හදන්න අවස්ථාව උදාවෙලා තිබෙනවා. ඒ තුලින් අපට අවශ්ය නියම පුද්ගලයා නියම සුදුස්සා, අවශ්ය සමාජ තීරකයා ඉදිරියට ගෙනයාමේ වගකීම ඔබ සතුයි. මේ අවස්ථාවේ එම වගකීම ඉටුකළේ නැත්නම් තවත් අවුරුදු 5 කින් 10 කින් ඔබේ දරුවාට අත්දකින්න වෙන්නේ තවත් ජරාජීර්ණ වූ පාර්ලිමේන්තුවක්. ජරාජීර්ණ වූ සමාජ ස්ථරයක්, පළාත් පාලන ආයතනයක්, පළාත් සභාවක්.
ඒ නිසා මෙය ඉතාමත් තීරණාත්මක මැතිවරණයක්. අනාගත පරපුර යහපත් ගුණගරුක පිරිසක්, සමාජයක් බවට පත්කිරීම අප සියළු දෙනාගේ වගකීමක්. ඒ වගකීම් ඉටුකරන්නට අපි නිවැරදි ආකාරයෙන් නිශ්චිතව මේ සමාජ දේශපාලනය තුළ කටයුතු කළ යුතුයි. දූෂණය පිටුදකින්න, වංචාව පිටුදකින්න, හොර මැරකම්වලට තිත තියන්න පාට පක්ෂ භේදයෙන් තොරව අපි අනිවාර්යෙන්ම පෙනී සිටිය යුතුයි.
ඒ සඳහා අවශ්ය සමාජ විප්ලවය, දේශපාලන විප්ලවය, ආර්ථික සහ දැනුම් විප්ලවය කරන්න අපි නිවැරදි නගර සභාවක්, කාටවත් නොදෙවෙනි, කොන්ද නොනමන නගර සභාවක් බවට මහරගම නගර සභාව පත්කිරීමට අප සැවොම අත්වැල් බැඳගත යුතුයි.
ඒ වෙනුවෙන් ඔබ ලබාදෙන යම්කිසි ඡන්ද වරමක් අයිතියක් වනවාද එය ඡන්දය ලබාදුන් ලබානොදුන් සියළුම දෙනා වෙනුවෙන් සමබරව සිදු කිරීමේ වගකීම අපි භාරගන්නවා. අපි සියළුම දෙනා ගමන් කරනුයේ පොදු අරමුණක් වෙනුවෙන්. ඒ ගම හදන්න. ගමේ තියෙන තාරුණ්ය, ගමේ ඉන්න කාන්තාව, වැඩිහිටි පරම්පරාව සේම අනෙකුත් සියළුම ප්රජාවන් බලගන්වන්න. ඒ වෙනුවෙන් තමයි අප ඉදිරියට පැමිණ කටයුතු කරන්නේ.
මෙම අවස්ථාවට ජාතික තරුණ සේවා සභාවේ සභාපති නීතීඥ එරන්ද වැලිඅංගේ මැතිතුමා, ප්රාදේශීය දේශපාලඥයන් ඇතුළු ප්රදේශයේ ජනතාව සියයකට අධික පිරිසක් එක්ව සිටියහ.
Most Reading
-
කාන්තාවකට අයුතු අවහිරයක් සිදුකර කර සාපරාධී බලහත්කාරකමක් කිරිමට අදාළව නැගෙනහිර පළාත් ආණ්ඩුකාර රෝහිත බෝගොල්ලාගම මහතාගේ බිරිඳ සහ දියණිය වහා...
-
ysgmq fj<| weu;s fcdkaiagka m%kdkaÿf.a n;a;ruq,a," chjvk.u msysá ksjfia jeisls,s jf,ka" ckm%sh .dhsld iñ;d trkao;S uqÿkafldg...
-
ඉදිරි දින කිහිපය තුළ සුවිශේෂී වෙනස්කමක් සිදුකරන බව ජනාධිපති ම්රෛතීපාල සිරිසේන මහතා අද ශ්රී ලංකා නිදහස් පක්ෂයට දැනුම් දී තිබේ. පළාත්...
-
දේශපාලනයේ අලුයට ගිනි නැංවෙමින් ඇත. පලාත් පාලන මැතිවරණ ජයග්රහණයෙන් පසු හිස උදුම්මාගත් බැසිල් රාජපක්ෂ ප්රමුඛ බැසිල්ගේ වන්දිභට්ඨයින් විසින...
-
udOHfõ§ ,ika; úl%u;=x. uy;d >d;kh ùug fmr tjlg ysgmq ckm;s uyskao rdcmlaI uy;dg ÿrl:kfhka l;d lr we;s nj Tyqf.a udOH m%ldYl frdydka je...